Búnaður Svifflugfélags Íslands


TF-SAA


Gerð  Super Dimona
Vænghaf  16,33m
Lengd  7,28m
Hámarkshraði  261km
Svifhorn  27

Super Dimonan hefur verið mjög vinsæl meðal félagsmanna enda er þetta einstaklega öflug vél, vélin er búin 115 hestafla mótor sem gerir að verkum að hún jafnast á við bestu einkavélar hvað varðar mótorflug ástamt því að hægt er að drepa á hreyflinum og svífa á við miðlungs svifflugur. Vélin er tveggja sæta og því oft notuð til að taka með gesti.

---oo0oo---

TF-SAB


Gerð  K-7
Vænghaf  16m
Lengd  8,15m
Hámarkshraði  170km
Svifhorn  26
Hraðarit

Smíðuð hjá Alexander Schleicher í Þýskalandi árið 1964 og keypt notuð til landsins árið 1981. Hún er tveggja sæta og var mest notuð í kennsluflug. Henni var lagt eftir tilkomu TF-SAS Duo Discus en þá leysti TF-SAC þessa vél af hólmi sem aðal kennsluvél félagsins.

---oo0oo---

TF-SAC


Gerð  ASK 21
Vænghaf  17m
Lengd  8,35m
Hámarkshraði  280km
Svifhorn  34
Hraðarit
Handbók

Hún var keypt ný frá Alexander Schleicher í Þýskalandi 1995. Hún er tveggja sæta og mikið notuð í kynningar- og kennsluflug. Þá hafa félagsmenn einnig nýtt hana þegar þeir flúga með sína gesti. Leyfilegt er að fljúga listflug á þessari svifflugu og hafa sumir félagsmenn nýtt sér það.

---oo0oo---

TF-SAE


Gerð  Ka-6E
Vænghaf  15 m
Lengd  6,66m
Hámarkshraði  200km
Svifhorn  34
Hraðarit

Hún smíðuð árið 1969 hjá Alexander Schleicher í Þýskalandi og var keypt notuð þaðan árið 1978. Þótt TF-SAE sé komin til ára sinna er hún afar skemmtileg og töluvert notuð. Hún var til skamms tíma ein besta einsæta félagsins og var þá eiginlega eina einsæta félagsins sem nothæf var til yfirlandsflugs. TF-SAE er létt, lipur og næm á allar aðgerðir flugmannsins. Leifur Magnússon varð Íslandsmeistari á TF-SAE árin 1980 og 1982.

---oo0oo---

TF-SAL


Gerð  LS-4
Vænghaf  15m
Lengd  6,84m
Hámarkshraði  270km
Svifhorn  40
Hraðarit
Handbók

Þessi sviffluga var keypt notuð frá Segelfluggruppe Lenzburg í Sviss, árið 1999. Hún er einsæta af gerðinni LS-4 og er framleidd af Rolladen-Schneider í Þýskalandi árið 1982. Þetta er tvímælalaust langbesta sviffluga félagsins. Ath. að þyngdartakmörk flugmanns í SAL eru önnur en í handbók.

---oo0oo---

TF-SAR


Gerð  Ka-8b
Vænghaf  15m
Lengd  7m
Hámarkshraði  190km
Svifhorn  27

Ein af tveim Ka-8 vélum félagsins. Var notuð fyrir sólóflugmenn. Hun var smíðuð hjá Alexander Schleicher árið 1961. Ka-8 eru einstaklega þægilegar - sterkar og góðar byrjendasvifflugur og henta vel til flugs í veikum skilyrðum. Hægfleygar, léttar og liprar. Þessi sviffluga hefur ekki verið notuð undanfarið eftir að unnt var að anna eftirspurn með nýtískulegti vélum.

---oo0oo---

TF-SAS


Gerð  Duo Discus Turbo
Vænghaf  20m
Lengd  8,62m
Hámarkshraði  250km
Svifhorn  45
Hraðarit

Hún var keypt notuð frá Þýskalandi 2006 í mjög góðu ástandi og lítur út eins og ný. Hún er tveggja sæta og hefur gríðarlega góða útflugseiginleika. Hún er með lítinn mótor sem hægt að setja út og nota til að hækka flug ef ekki finnst uppstreymi, það gerir hana að spennandi kosti jafnt fyrir þá sem eru að spreyta sig á sínum fyrstu útflugum og reyndari flugmenn félagsins.

---oo0oo---

TF-SAV


Gerð  Ka-8b
Vænghaf  15m
Lengd  7m
Hámarkshraði  190km
Svifhorn  27

Önnur af tveim Ka-8 vélum félagsins. Var notuð fyrir sólóflugmenn. Hún var smíðuð hjá Alexander Schleicher árið 1961. Ka-8 eru einstaklega þægilegar - sterkar og góðar byrjendasvifflugur sem henta vel til flugs í lélegum skilyrðum. Hægfleygar, léttar og liprar. Þessi sviffluga hefur ekki verið notuð undanfarið eftir að unnt var að anna eftirspurn með nýtískulegti vélum.

---oo0oo---

TF-SAX


Gerð  LS-8
Vænghaf  15m
Lengd  6,66m
Hámarkshraði  280km
Svifhorn  43(15m) / 48(18m)
Handbók

LS-8 er frábær viðbót við sviffluguflotann, möguleiki er að lengja væng sem gefur rennigildið 1:48. Árið eftir að svifflugan kom á markað urðu svifflugmenn á LS-8 í toppsætum í Heimsmeistarakeppninni (1995). Það má segja að LS-8 sé afbragðsgóð sviffluga, enda trónir hún enn í efstu sætum fjölmargra móta.

---oo0oo---

TF-TUG


Gerð  Piper Pawnee
Vænghaf  11,02m
Lengd  7,55m
Hámarkshraði  188km

TF-TUG oftast nefnd "Tuggan" eða "Unna Gunna" sér um að draga svifflugur í loftið, kostirnir við flugtog umfram spiltog eru þeir að hægt er að sleppa í meiri hæð og einnig er hægt að draga svifflugur umtalsverðar vegalengdir áður en sleppt er. Einnig hefur Tuggan verið notuð til þess að draga svifflugur á loft af túnum þar sem að þær hafa lent sökum skorts á uppstreymi.

---oo0oo---

Vírus


Gerð  Ford F350 L6 300 ci
Hámarkshraði  40km

Vírus sér um að draga vírana úr spilinu yfir endilanga brautinna þar sem svifflugurnar bíða, einnig er hann notaður til að draga svifflugur til og frá skýlum.

---oo0oo---

Spilið


Gerð  Bíll Ford F600 og spilið Chervolet 327 ci og powerglide skipting
Hámarkshraði  160km

Spil bílinn okkar sér um öll spiltog á sandskeiði, hann er búinn tveim 1000 metra vírum sem hvor um sig getur dregið svifflugur í um 300 metra hæð.

---oo0oo---